FIER - Një motovedetë e Guardia di Financias e ardhur nga Italia, është bllokuar në bregdetin e Fierit, pasi ka qenë në ndjekje të një gomoneje nga Durrësi, që besohet se po transportonte lëndë narkotike.<br /><br />Siç bëhet e ditur nga Policia Kufitare e Vlorës, që ka nisur operacionin për nxjerrjen e saj nga cektinat e Semanit, në mjetin lundrues të ardhur nga Italia, janë edhe dy efektivë të Guardia di Financës.<br /><br />Për nxjerrjen e tyre ka nisur një aksion që në orët e para të mëngjesit por ende nuk është bërë e mundur që ajo të nisë lundrimin. Në ndihmë kanë shkuar anije shqiptare por ende nuk është nxjerrë nga vendi ku ka mbetur.<br /><br />Mësohet se, nëse nuk do të nxirret shpejt, ka rrezik që motovedetë mund të mbytet.
