TIRANE - Shqipëria vijon të shënojë rekorde negative të nivelit të korrupsionit. Transperancy International ka publikuar sot raportin e Indeksit të perceptimit të korrupsionit për vitin 2013, ku vendi ynë ka shënuar regres, duke zbritur tre vende më poshtë se një vit më parë.<br /><br />Sipas TIA korrupsioni në vendin tonë po shfaq një fizionomi të re nëpërmjet financimit të partive politike, pastrimit të parave kontrollit të sistemit të prokurimeve <br /><br />Në listën prej 177 shtetesh, Shqipëria renditet në vend të 116 nga vendi i 113 që ishte një vit më parë. Kosova renditet në vendin e 111 nga vendi i 106 që zinte më parë.<br /> <br /><br />Në këtë situatë Transpranecy International apelon për rritjen e përgjegjshmërisë së administratës publike, pavarësinë e institucioneve dhe hetimin e pakompromis të përgjegjësive të akteve korruptive. Transparency International është organizata botërore e shoqërisë civile që drejton luftën kundër korrupsionit.<br /><br />Shqipëria është vendi më i korruptuar në të gjithë Ballkanin, duke ngelur edhe pas Kosovës.<br /><br />Mali i Zi ka zënë pozitën e 67-të, duke rënë nga vendi i 75-të ku ishte radhitur vitin e kaluar. Përmirësime në krahasim me vitin e kaluar kanë shënuar edhe Kroacia me vendin e 57-të nga pozita numër 62, pastaj Serbia me vendin e 72-të nga 80, kurse Maqedonia është radhitur në vendin e 67-të, për dallim nga pozita e 69-të vitin e kaluar.<br /><br />Rënie vërehet edhe përsa i përket rezultatit të arritur nga këto dy vende në perceptimin e korrupsionit. Shqipëria nga 33 pikë bie në 31 ndërsa Kosova nga 34 në 33 pikë. Dy vendet me rezultatin më të lartë janë Danimarka dhe Zvicra.<br /><br />Në raportin e saj, organizata Transparency International thotë se treguesit e këtij viti janë një paralajmërim se shpërdorimi i pushtetit, allishverishet e fshehta dhe rryshfetet vazhdojnë t'u sjellin shkatërrime shoqërive kudo në botë.<br /> <br />Treguesi i perceptimit të korrupsionit bazohet mbi mendimet e ekspertëve lidhur me korrupsionin në sektorin publik. Treguesi i këtij viti rendit Danimarkën si vendi më pak i korruptuar dhe Somalinë në vend të fundit.
