SHKUP- Një grup qytetarësh shqiptarë në Shkup kanë tentuar të rrënojnë përmendoren e mbretit serb Car Dushani, e cila u vendos disa ditë më parë në qëndër të këtij qyteti.<br /> <br />Ngjarja është regjistruar të premten në mbrëmje (6 dhjetor 2013) kur një grup me rreth 30 persona goditën me sende të forta dhe çekiçë përmendoren.<br /> <br />Mediat maqedonase kanë raportuar se në mesin e qytetarëve ka pasur edhe zyrtarë të BDI-së por edhe aktivistë të shoqatave joqeveritare.<br /><br />Rasti është bërë i ditur nga disa qytetarë kalimtarë që kanë njoftuar organet e rendit, të cilat kanë ndërhyrë duke parandaluar prishjen e përmendores.<br /> <br />Lajmi i transmetuar nga agjencia shqiptare e lajmeve në Maqedoni, INA, bën të ditur se përmendorja nuk ka pësuar dëme të rënda. <br /> <br />Përmendorja e vendosur në fillim të dhjetorit, ndodhej në mesin e 30 përmendoreve tjera në të ashtuquajturën Urën e Qytetërimeve në hyrje të ndërtesës së re të Gjykatës Supreme dhe Muzeut Arkeologjik të Shkupit.<br /><br />Deri tani përgjegjësinë për vendosjen e kësaj përmendore nuk e ka marr askush përfshirë qytetin e Shkupit, Ministrinë e Kulturës apo edhe komunën Qendër. Kjo e fundit thekëson përmendorja është një ndërtim ilegal.<br /> <br />Ky akt vjen pas reagimeve të ashpëra që ka nxitur vendosja e përmendores tek përfaqësuesit e politikës shqiptare por edhe të shoqërisë civile në Shkup.
