TIRANË - Turizmi malor është në qendër të një panairi që është hapur sot. I pranishëm në këtë ceremoni ishte edhe zv/kryeministri Niko Peleshi dhe zv/ministri i Turizmit, Gjon Radovani. Peleshi ka mbajtur një fjalë në "Panairin e turizmit malor e dimëror".<br /><br />Peleshi tha se, "Shqipëria është në qendër të qendrës botërore të turizmit malor dhe dimëror".<br /><br />Sipas tij, turizmi ende nuk përbën potencialin kryesor në ekonomi. "Gabuam me mënyrën si trajtuam bregdetin", ka thënë gjatë fjalë së tij, zv/kryeministri Niko Peleshi. "Duhet të zhvillojmë investimet private, kjo fillon nga turizmi. Duhet aleancë ndërmjet qeverisë dhe investuesve privatë", ka theksuar Peleshi.<br /><br />Nga ana e tij, zv/ministri i Turizmit, Gjon Radovani tha se, pasuritë natyrore të Shqipërisë, duhet të futen në efiçencë. "Kemi një turizëm veror, pjesa tjetër e vitit është sporadike", ka thënë Radovani.<br /><br />Sipas zëvendësministrit të Turizmit, ky turizëm malor duhet të riorganizohet, kemi nevojë për investime.
