TIRANË - 23 vjet më parë, një grup studentësh e pedagogësh të universiteteve të Tiranës u bënë nismëtarë të kthesës së madhe historike, protestave paqësore që sollën rënien e komunizmit dhe lindjen e demokracisë.<br /><br />Në pallatin e Sportit "Asllan Rusi", ka nisur aktiviteti i PD-së, ku do të kujtohet kjo datë e shënuar. Të pranishëm janë pjesëmarrës gjatë lëvizjeve të asaj kohe, ish-kryetaru u PD-së, Sali Berisha dhe kryetari aktual, Lulzim Basha. <br /><br />Duke folur në takimin për 8 dhjetorin, kreu i PD-së, Lulzim Basha tha se, "në dritën e asaj nate u arrit të çahet muri i terrorit i diktaturës. Shpërthimi për herë të parë në gjuhën shqipe e fjalëve "Liri-Demokraci". U nisën pa komandë djem e vajza drejt qytetit. Kuptimi i ri i angazhimit që ishte dhe është veprimi, dalja, përballja me pushtetin e diktaturës".<br /><br />Sipas tij, "Ajo natë e bardhë nxorri, Azem Hajdarin, prijësin e lëvizjes studentore, kryeheroin. Nxorri gjithë ata heronj. Sot kujtojmë të gjithë ata vajza dhe djem të dhjetorit të paharrueshëm 1990. Ëndërra europiane ngriti studentët ato netë".<br /><br />"Do bëjmë gjithçka për statusin edhe pse ata që duhet të bëjnë nuk po bëjnë asgjë, pasi statusi jeni ju, rinia. Ishit ju rinia që i thatë jo, sjelljes së armëve kimike siriane në Shqipëri. Ju i thatë jo shpërfilljes, megallomanisë, shitbljerjes së shëmtuar të votës dhe dhunimit të zgjedhjeve", theksoi kreu i PD-së, gjatë fjalës së tij.<br /><br />"Është dita të kujtojmë liderin historik të PD-së, Sali Berisha.Gëzuar 8 dhjetorin ditën e Rinisë, nder përjetë studentëve liberatorë", përfundoi fjalën e tij, kreu i PD-së, Lulzim Basha gjatë aktivitetit të organizuar me rastin e 8 dhjetorit. <br /><br />Gjatë takimiu u zhvilluar edhte një koncert nga këngëtarët e ftuar.<br /><br />Akti i tyre i dha fund në mënyrë paqësore epokës të gjatë të vetizolimit dhe të sundimit ideologjik, duke i hapur kështu rrugën e ekonomisë së tregut dhe shoqërisë së hapur. Të dielën kjo ditë, ashtu si çdo 8 Dhjetor që e pasoi, do të përkujtojë këtë moment.<br /><br />Për herë të parë, ftesat mbajnë emrin e Lulzim Bashës, në cilësinë e kryetarit të PD, ku ftohen të gjithë të marrin pjesë në pritjen e organizuar në Pallatin e Sportit në orën 12.00 demokratët do të festojnë 23-vjetorin e themelimit të PD, ku pritet të flasin shumë personalitete të PD.
