TIRANË - Ministrja e Mbrojtjes, Mimi Kodheli ka bërë të ditur se, ka bërë një kallëzim penal ndaj ish-ministrit të Mbrojtjes, Arben Imami, aktualish deputet i PD-së. <br /><br />Kodheli ka bërë të ditur se, Imami akuzohet për konsumimin e veprave penale, "shpërdorim detyre", "shkelje e kontributeve të dhëna nga shteti" dhe "shkelje të barazisë në tendera".<br /><br />"Ky nuk është një kallëzim i zakonshëm. Është një padi e mirëargumentuar dhe e përgatitur nga një grup ekspertësh që e kanë shqyrtuar deri në detaje këtë aferë korruptive të cilët kanë dalë në konkluzionin që kush ka qenë pjesë të dalë para drejtësisë. I kërkoj në mënyrë të veçantë Prokurorisë së Përgjithshme që të hetojë në lidhje me këto procedura që kanë çuar në abuzime të mëdha me paratë publike.<br /><br />Kjo nuk është aspak komode për mua apo për bashkëpunëtorët e mi, ndaj paraardhësit tim, por kjo ishte gjëja e e vetme që duhet të bëja në kushtet e të ndodhurit përpara fakteve të tilla.
