TIRANË - Ministri i Jashtëm i Shqipërisë, Ditmir Bushati është i bindur që Shqipëria do ta marrë statusin e vendit kandidat dhe sipas tij kjo është një meritë e të gjitha qeverive në Shqipëri.<br /><br />Duke folur për A1 Report nga Luksemburgu ministri Bushati tha se, Hollanda nuk ka ende një vendim në lidhje me dhënien Shqipërisë të statusit të vendit kandidat.<br /><br />I pyetur nga gazetarja, Joniada Koçi, Bushati tha se, vendet e BE-së e kanë vlerësuar luftën që po bën qeveria Rama ndaj krimit dhe korrupsionit.<br /><br />"Belgjika dhe Luksemburgu kanë një qëndrim pro, Hollanda nuk ka një vendim ende. Gjatë ditës së sotme (dje) ka pasur një diskutim të gjatë dhe janë vlerësuar arritjet e Shqipërisë", ka thënë për A1 Report, ministri i Jashtëm, Ditmir Bushati.<br /><br />Më poshtë intervista e Ditmir Bushatit për A1 Report:<br /> <br />Çfarë kanë kërkuar më shumë përfaqësuesit e Holldandës?<br />Nuk është një çështje që ka të bëjë me rekomandimet e BE. Dihet që Hollanda edhe në dhjetorin e vitit 2012 i ka mbështetur kushtet e BE-së për Shqipërinë. Këto nuk janë pikëpamjet e qeverisë, por janë më tepër pikëpamjet e partive të ndryshme në vend. Po i afrohemi momentit ku do të kemi një vendimarrje javën tjetër dhe do të kemi mundësinë të shohim për mendimin që kanë vendet.<br /> <br />A do ta marrim statusin e vendit kandidat?<br />Nuk ka pikëpyetje që Shqipëria do ta marrë statusin e vendit kandidat. Pikëqëndrimi ynë është data 17 dhjetor dhe kjo është një mundësi e artë për të njohur përpjekjet që kanë bërë qeveritë shqiptare, partitë dhe nga të gjitha qeveritë e tranzicionit në Shqipëri dhe jo vetëm qeveria jonë. Kur flasim për statusin e vendit kandidat ky do të ishte një moment i rëndësishëm për vendin tonë dhe rajonin tonë.<br /> <br />A jemi përgatitur ne për çdo lloj vendimi?<br />Nuk ka dyshim që Shqipëria nuk ka ndonjë alternativë tjetër pasi nuk është thjeshtë një alternatitë e politikës së jashtme por kombëtare. Do të ishte shumë mirë dhe ne po punojmë që të martën ti akordohet statusi i vendit kandidat. Procesi i reformave gjithsesi do të vazhdojë për të përmirësuar cilësinë e jetës në Shqipëri. Jemi votuar për të ndryshuar ekonominë, cilësinë e jetës dhe i bëjmë reformat për të ndërtuar atdheun tonë të përbashkët e jo për të kënaqur BE.<br /> <br />Si janë dukur reformat që ka bërë qeveria Rama në vendet skeptike?<br />Pika kryesore dhe e besueshme është progres-raporti i KE dhe fjalës që ka mbajtur komisioneri i zgjerimit në BE. Aty janë theksuar reformat që ka ndërmarrë qeveria jonë kundër luftës ndaj korrupsionit dhe krimit. Të gjitha vendet kanë vlerësuar progresin dhe hapat që ka ndërmarrë Shqipëria.
