PHENIAN - Korea e Veriut ekzekuton Jang Song-Thaek, xhaxhain e Kim Jong-un, diktatorit aktual dhe liderit të Koresë së veriut.<br /> <br />Këtë e ka referuar agjencia zyrtare koreano-veriore Kcna, e cila shkruan se 65-vjeçari Jang, u përjashtua nga partia, të hënën e 3 dhjetorit dhe televizioni shtetëror kishte paraqitur momentin e arrestimit dhe të largimit të tij brutal.<br /> <br />Jang Song-Thaek, më parë kishte luajtur rolin e tutorit të liderit të ri, më pas ishte bërë krahu i djathë i tij, duke u bërë edhe numri 2 i regjimit. Ka mbajtur këtë detyrë, deri më 3 dhjetor, kur kishte ardhur njoftimi për largimin e tij.<br /> <br />Agjencia e lajmeve, nuk paraqet detajet e ekzekutimit të tij, por referon se gjykimi i Jang, u bë ditën e enjte gjatë procesit gjyqësor.<br /> <br />Në vitin 2011-të, me vdekjen e liderit Kim Jong-il, Jang ishte njeriu që i dha një ndihmesë të madhe nipit të tij Kim Jong-un, për të kaluar nën drejtimin e vendit, të lënë bosh nga i ati i këtij të fundit.<br /> <br />Akuza kryesore për dënimin e tij me vdekje, ishte pasi ai mendohet të kishte tentuar të rrëzonte pushtetin, duke organizuar një grusht shteti me aktivitete kundër-revolucionare.<br /> <br />Por sipas mediave lokale, ka shumë dyshime për ekzekutimin e tij, ndërkohë që agjencia shtetërore e lajmeve e quan Jang një `tradhëtar të shtetit`.<br /> <br />Sipas disa vëzhgimeve të para, eleminimi i Jang Song-Thaek, që ishte konsideruar si një nga mbështetësit kryesor të reformave ekonomike të ndërmarra nga qeveria kineze, mund të paraqesë një tjetër lëkundje të zonës, duke rritur edhe rreziqet e kërcënimeve dhe të sulmeve ndaj Koresë së Jugut, nga ana e Pyongyang.
