ELBASAN - Pas protesës së 33 ish-punonjësve të Ndërmarrjes së Trajtimit të Studenteve të pushuar nga puna, ka reaguar drejtoresha e këtij instuticioni, Jonajda Doçi.<br /><br />Në një deklaratë për mediat, ajo pohon se shkarkimi nga puna i këtyre punonjësve ka ardhur si pasojë e reduktimit të buxhetit, ndërsa për këtë vit akademik numri i studentëve që strehon në ambjenet e konviktit është ulur ndjeshëm.<br /><br />Doçi akuzoi ish-punonjësit edhe për korrupsion, favorizime në zgjedhjen e dhomave më të mira dhe heshtjen për kushtet e ndërmarrjes së trajtimit të studentëve.<br /><br />"Nga 1300-1400 studentë, që është kapaciteti, numri i tyre ka rënë në 600 studentë. Zotërinjve të djeshëm u vinte mirë kur vidhnin lekët e studentëve, duke i shpërdoruar në kalceto, apo në regjistrimet me lekë në dorë për dhomat më të mira, për rezistencat që mund t'i merrnin vetëm ato që paguanin lekë në dorë. <br />Kam marrë në dorë një ndërmarrje të administruar në mënyrën më të tmerrshme, gjë që më ka shtyrë të bëj reforma", shprehet drejtoresha e konviktit, Jonajda Doçi.
