TIRANE- Një ditë pasi Këshilli i Ministrave të Jashtëm të BE-së shtynë për në qershor dhënien e statusit të vendit kandidat për Shqipërinë, Kryetari i Parlamentit Ilir Meta deklaron se Shqipëria e ka të pakthyeshme rrugën drejt integrimit duke i bëri apel të gjithë politikanëve se duhet të ushtrojnë përgjegjësitë e tyre.<br /><br />Madje, nga hotel Tirana, në një prononcim për gazetarët, pas pjesëmarrjes në ceremoninë e ndarjes së çmimeve nga Unioni i Gazetarëve Meta i kërkoi Berishës të përmbajë kënaqësinë për mos marrjen e statusit sepse po bëhet më holandez se kryetari i PD-së Lulzim Basha.<br /><br />"Lidhur me statusin më të fundit në Facebook të zotit Berisha dhe me akuzat dhe përgjegjësitë e tij për lajmin e djeshëm, do të thoja, për shkak të eksperiencës së gjatë dhe përgjegjësive që ka në politikë, të përmbajë kënaqësinë, edhe pse mund të jetë e vetvetishme dhe jo<br />shumë e menduar dhe e arsyetuar, se është gati të shpallet më hollandez se vetë kryetari i partisë së tij. "- tha Meta. Meta tha se pavarësisht se Holanda ishte kundër Shqipërisë për dhënien e statusit, ai do të vazhdojë ta mbështesë atë në futboll, ku ky shtet nuk është në ditët e tij më të mira. <br /><br />"Ju e dini, përkrahja ime për Holandën në futboll nuk do të mungojë, edhe pse ajo nuk është në ditët më të mira.<br />Shqiptarët janë të integruar në Evropë dhe do të jenë të integruar në mënyrë të vazhdueshme. Evropa është shumë e rëndësishme për Shqipërinë, por Shqipëria është edhe më e rëndësishme për Evropën. "- tha Meta në një prononcim për median pas ceremonisë së ndarjes së çmimeve për gazetarët.
