TIRANË - Plagoset më armë zjarri i ati i kreut të PS në Prezë të Tiranës. Ngjarja ka ndodhur në Fushë Prezë të Tiranës dhe i plagosur është Shefqet Kajmaku, 55 vjeç.<br /><br />Shefqet Kajmaku është babai i kreut të PS të Prezës, Vladimir Kajmaku. Dyshohet se kanë qenë dy persona të cilët e kanë qëlluar 55-vjeçarin.<br /><br />Siç raporton nga vendi i ngjarjes, gazetari i A1 Report, Gerti Xhaja, policia është duke hetuar në dy pista: Atë të një sherri të momenti, si dhe sulmet që janë bërë më parë ndaj familjes Kajmaku dhe tani janë kthyer ndaj pjesëtarëve të familjes.<br /><br />Policia mësohet se ka një person të dyshuar në lidhje me ngjarjen, por për efekt të hetimit nuk ka bërë të ditur emrin.<br /><br />Burime nga policia bëjnë të ditur se, Shefqet Kajmaku në spitalin e Traumës. Shefqet Kajmaku është plagosur në këmbë dhe i është nënshtruar një operacioni. Sipas mjekëve gjendja e tij është e mirë dhe ai është jashtë rrezikut të për jetën.<br /><br />Në vendin e ngjarjes kanë mbërritur edhe deputetët e PS-së, Pjerin Ndreu dhe Artan Gaçi.<br /><br />Familja Kajmaku ka qenë objektiv i sulmeve të shumta kohët e fundit ndërsa kanë akuzuar eksponentë të Partisë Demokratike në Prezë. Në muajin maj 2013 familja Kajmaku u vu në shënjestër të disa sulmeve, duke iu djegur edhe biznesin.
