SHKODËR - Migert Dyli është vetëm 12 vjeç. Prej 2 muajsh ai po lufton me një sëmundje të rëndë që i ka prekur të dyja veshkat. Mjekët i kanë thënë se ka nevojë urgjente për kryerjen e transplantit.<br /><br />Sëmundja e ka detyruar të ndërpresë mësimin në shkollën e Gurit të Zi dhe të dergjet në shtrat në shtëpinë e tij.<br /><br />Për Migertin babai i tij është gati të japë njërën veshkë, por këtë familje është e pamundur përballimi i kostos së operacionit që do t'i shpëtonte jetën vogëlushit.<br /><br />"E shtruam për 20 ditë në spital pastaj doli. Tani shkojmë 3 heë në javë në Tiranë. Shteti të na ndihmojë, sepse nuk e përballojmë dot koston e operacionit."- thotë nëna e 12 vjeçarit prej javësh ndodhet në shtrat.<br /><br />Migerti do të shkojë edhe një herë në shkollë si më parë.<br /><br />"Të lutem më ndihmoni. Do dëshiroja të shkoja në shkollë si të gjithë shokët e mi"- thotë ai.<br /><br />Familjarët kërkojnë ndihmën e Ministrisë së Shëndetësisë ndërsa bëjnë apel dhe për ndihmë nga shoqëria civile, pasi nuk mund të presë shumë.
