DURRËS - Është organizuar në Durrës një mbrëmje bamirësie në ndihmë të fëmijëve që vuajnë nga sëmundje të rënda hematologjike dhe tumore.<br /><br />Personalitete të njohura shqiptare janë bërë pjesë e donacioneve në ndihmë të këtyre fëmijëve, ndërsa u kanë bërë apel të gjithë qytetarëve shqiptarë, që të kthejnë kokën nga kjo kategori.<br />Ky është Jordan Ferati, djaloshi nga Sukthi i Durrësit që në vend të lodrave dhe lojërave me shokët e tij lufton me një sëmundje të rëndë.<br /><br />Ai u bë pjesë një mbrëmje bamirësie të organizuar në Durrës, që kishte si synim mbledhjen e sa më shumë donacioneve nga personalitete të njohura të shoqërisë shqiptare, për t'u ardhur në ndihmë fëmijëve që vuajnë sëmundje të rënda hematologjike dhe tumore.<br /><br />Në ndihmë të fëmijëvë të sëmurë duke kontribuar me fondet e tyre erdhën emra të njohur si aktorja e njohur Tinka Kurti, zonja e parë Odeta Nishani, nënkryetarja e bashkisë së Tiranës, emra të njohur të botës së modës etj. Ata i bënë thirrje qytetarëve shqiptarw, që të kthejnë kokën nga kjo kategori e fëmijëve të sëmurë.
