Zëvendësministrit i Brendshëm Zemri Qamili nuk sqaron nëse janë zbardhur ose jo incidentet ku viktima ishin nxënësit shqiptar. Në një tribunë të organizuar në Tetovë ai prezantoi të dhënat e njëjta të cilat kohë më parë i kishte prezantuar edhe ministrja Gordana Jankullovska. Gjatë këtij viti janë regjistruar 160 incidente dhe 86 prej tyre janë zbardhur. Numri më i madh i incidenteve kanë ndodhur në Shkup apo 86 pastaj në Tetovë, 21 aq sa edhe në Kumanovë dhe 16 në Manastir.<br /><br />"Nga këto sjellje të dhunshme lëndime trupore kanë pësuar 146 nxënës, nga të cilët , 4 me lëndime të rënda trupore. Këtu me qëllim do e evitoj përbërjen etnike të nxënësve jo shkaku se njërët apo tjerët kanë pësuar por sepse janë nxënës janë të rinjë janë fëmijë", deklaroi Zemri Qamili, Zv/ministër i Punëve të Brendshme.<br />Në tribunën shkencore në Tetovë me temë "Kundër dhunës, për paqe dhe bashkëjetesë në Maqedoni", Zëvendësja e avokatit të popullit Irina Stojanovska, ka kërkuar angazhim më të madh të institucioneve kurse dekani i fakultetit juridik në Universitetin e Shkupit, Borçe Davitkovski, për rastet e dhunës ka fajësuar edhe partitë politike.<br /> <br />"Duhen masa konkrete dhe efikase, për parandalimin çdo lloji të dhunës mes fëmijëve sepse pasoja janë afatgjatë në zhvillimin e tyre të mëtutjeshëm", tha Irina Stojanovska zëvendësavokat i popullit.<br /> <br />"Roli i partive që është i pa evitueshëm, ato në luftën për të ardhur në pushtet nuk zgjedhin mjetet, nxisin ndihmojnë e kështu me radhë. Duhet theksuar edhe rolin e familjes dhe të organeve të shtetit. Zëvendësministri theksoi diçka por këto janë vetëm faktografi kaq këtu kaq atje kaq zbardhje kaq të mbetura. Roli por e tyre është ti procesuojnë ti zbardhin dhe mbarojnë punën dhe këtu të lidhet edhe pushteti i tretë, gjyqësori, i cili duhet që lëndën e procesuar ta përfundojë, të ketë epilog", u shpreh Borçe Davitkovski, Dekan i fakultetit juridik, Shkup.<br /><br />Tribuna e sotme, është iniciuar nga fakulteti juridik i USHT-së, me qëllim përcjelljen e mesazhit për paqe dhe bashkëjetesë dhe jo për dhunë. Bashkim Sulejmani
