TIRANË - Ambasadori amerikan, Alexander Arvizu ka uruar shqiptarët nëpërmjet nismës "Shqipëria uron, Shqipëria dhuron".<br /><br />Ai ka uruar që 2014 të jetë vit i Shqipërisë, një vit me të cilin mund të krenohen gjithë shqiptarët. Duke theksuar se SHBA mbeten përherë miqtë tanë.<br /><br />"Uroj sinqerisht që 2014 të jetë 'Viti i Shqipërisë' -- një vit me të cilin mund të krenoheni të gjithë! Gëzuar Vitin e Ri dhe urimet më të mira nga miqtë tuaj në Ambasadën Amerikane! Alex Arvizu", shkruhet në urim.<br /><br />Urimi është shfaqur sot në mbrëmje në fasadën e Kryeministrisë në mesazhet që prej dy ditësh dërgohen falas dhe lexohen nga të gjithë falë projektimeve elektronike, ideuar nga qeveria.<br /><br />Ky urim përshëndetës shfaqet pikërisht aty ku një mjaft shqiptarë kundërshtuan apo dhe e gdhinë për t'i thënë jo propozimit amerikan për armët kimike në Shqipëri.
