BEJRUT- Një shpërthim i fuqishëm ka ndodhur në qendër të Bejrutit, kryeqytetit të Libanit, pranë hotelit "Katër Stinët", jo shumë larg zyrës së kryeministrit.<br /><br />Nga shpërthimi i autobombës i ndodhur mëngjesin e sotëm kanë mbetur të vrarë 5 persona mes tyre dhe ish ministri i Financave Muhammad Shatah, krahu i djathtë i ish kryeministrit Saad Hariri, djali i Rafik Hariri ish kryeministër i Libanit, i vrarë gjatë një atentati më 14 shkurt të vitit 2005-së.<br /><br />Sipas mediave ndërkombëtare, ish ministri libanez Mohammed Shattah, ka kundërshtuar pak kohë më parë presidentin e Sirisë, Bashar al -- Assad. <br /><br />Lajmi për shpërthimin fillimisht u bë i ditur nga mediat ndërkombëtare të cilat u referohen dhe dëshmitarëve okularë.<br /> <br />Pamjet e televizionit shtetëror libanez shfaqën trupa në flakë që thërrisnin për ndihmë nëpër rrugët ku sot në mëngjes ndodhi shpërthimi, jo shumë larg zyrës së kryeministrit.<br /><br />Shpërthimi ka ndodhur rreth orës 09:40 minuta në sheshin Starco, në mes të qendrës turistiko-financiare të Bejrutit.<br /><br />Ansa informon se në vendin e shpërthimit mund të shihen xhama të thyer të ndërtesës Starco, deri në katin e tetë të saj e cila i ka dhënë dhe emrin sheshit.
