TIRANE- Zbardhen detaje të reja nga hetimet për përshirjen e Fatos Skejës dhe Gojart Locit në gjobvënien dhe pengmarrjen e biznesmenit shqiptaro amerikan, Ramazan Hima.<br /><br />Një ndër provat kryesore për organin e akuzës ka qenë një fije floku e gjetur në kabinën e automjetit të përdorur gjatë operacionit të gjobvënies në periferi të Tiranës, në zonën e Dajtit.<br /><br />Sipas prokurorisë, fija e flokut i përket Locit ndërsa automjeti i gjetur ka qenë në përdorim nga Fatos Skeja truproja e ish kryeministrit Sali Berisha.<br /><br />Paçka se automjeti është në pronësi të një prokurori në Kukës, nga deklarimet e dhëna Skeja ka pranuar që përdorej prej tij pasi ja kishte marrë hua prokurorit. Por për sa i përket përfshirje së mjetit në gjobvënie, Skeja mohon akuzën duke deklaruar se mjetin ja kishin vjedhur.<br /><br />Një ditë më parë Skeja dhe Loci mbetën në burg pas vendimit të gjykatës së krimeve të rënda, ndërsa pritet gjykimi në themel i çështjes për të hedhur dritë mbi dinamikën e ngjarjes.
