Kompanitë që deri dje pajiseshin me certifikatën Hallall nga BFI-ja e Bosnjës, tani do të mund të certifikohen dhe ri-certifikohen nga BFI-ja e Maqedonisë. Sipas ministrisë së Ekonomisë por edhe vetë kompanive, BFI-ja e Maqedonisë ka kapacitete për lëshimin e kësaj certifikate. Për vitin 2014, shteti do të mundësojë mbulimin 100për qind të shpenzimeve për aplikimin e pajisjes me certifikatën Hallall për 10 kompani vendore. Shpenzimet mendohet se shkojnë deri në 5 mijë euro.<br /><br />"Unë shpresoj që ekspertët të angazhuar nga ana e ministrisë së ekonomisë të cilët do të formojnë komisionin dhe i cili në fund do të vlerësoj se cilët kompani do të kenë të drejtën të marrin mjetet financiare, do t'ju ndihmojnë kompanive që të implementojnë një standard të tillë", deklaroi Valon Saraçini, ministër i Ekonomisë.<br /><br />Aktualisht, 11 kompani në vend posedojnë certifikatën "Hallall" ndërsa 4 janë në procedurë e sipër. Kjo certifikatë i hap tregun tonë me botën arabe, Afrikën e Veriut, por edhe në Evropë dhe në SHBA.<br /><br />"Për Alkaloidin si kompani që ka certifikatën "Hallall" nga viti 2012 paraqet një vlerë shtesë për kompaninë, sepse na ndihmon të jemi të pranishëm në tregje që dikur ishin të paarritshëm", tha Zhivko Mukaetov, drejtor i Alkaloid.<br /><br /> "Me futjen e këtij standardi fituam një përparësi më të madhe konkurrence, sepse fituam besim më të madh. Konsumatorët janë të vetëdijshëm për kontrollet e dyfishta, sepse që të merrni certifikatën Hallall, më parë duhet të keni sistemin e menaxhimit të cilësisë ISO dhe "Hasap", u shpreh Gligor Cvetanov, drejtor ekzekutiv i Makprogres .<br /><br />Ministri Saraçini iu bëri thirrje edhe punonjësve turistik dhe hotelierë që të aplikojnë standardin Hallall, sepse do t'i hapen vetes perspektiva më të mëdha për zhvillimin e biznesit. Goran Temenugov
