Gjykata e Lartë e Francës ka miratuar taksën 75% për personat që kanë të ardhura mbi 1 milion euro.<br />Propozimi fillestar u rrëzua gati një vit më parë nga Gjykata Kushtetuese franceze, por qeveria e modifikoi draftin për t'a bërë më të pranueshme, duke përcaktuar edhe punonjësit të cilët do të preken nga kjo taksë.<br />Kjo taksë do të mblidhet për 2 vjet dhe do të prek të ardhurat e siguruara këtë vit dhe ato të vitit 2014.<br />Klubet e futbollit në Francë kërcënuan se do të protestonin duke bojkotuar ndeshjet e kampionatit, muaj më parë. Sipas tyre financat e klubeve franceze ishin të brishta dhe një taksë e tillë do të shkaktonte një eksod të lojtarëve më të mirë, të cilët fitojnë miliona euro.<br />Paris Saint Germain, me pronarë nga Katari, ka më shumë se 10 lojtarë të cilët paguhen mbi 1 milionë euro, përfshirë sulmuesin suedez Zlatan Ibrahimovic.<br />Por edhe biznesmenë dhe persona të tjerë të cilët fitojnë mbi një milionë euro kanë dalë kundër kësaj takse.<br />Aktori i njohur i filmave francez, Gerard Depardieu vendosi të largohej nga vendi për një jetë të re në Rusi, pikërisht për të mos paguar këtë taksë.<br />Por, sondazhet tregojnë se shumica e francezëve e mbështesin taksën e përkohshme. Ndryshe nga vende të tjera të Europës, Franca synon të ulë defiçitin e madh buxhetor duke rritur taksat, e duke shkurtuar shpenzimet.
