TIRANË - Vështirësitë ekonomike të 2013-s kanë pasur anën e tyre pozitive te kryeqytetasit, pasi këtë vit nuk ka pasur të djegur ose të lënduar nga fishekziarret gjatë momentit të ndërrimit të viteve.<br /> <br />Duket se në këtë aspekt kriza ekonomike ka pasur efektin e saj pozitiv, pasi ka detyruar shqiptarët që të jenë më të arsyeshëm në konsumin e artikujve të luksit, siç janë edhe fishekziarret.<br /> <br />Në Qendrën Spitalore "Nënë Tereza" në spitalin e Djegieve nuk është paraqitur asnjë rast me lëndime, por i lartë ka qenë numri i të intoksikuarve nga alkooli, ku në Urgjencën e Spitalit mjekët tregojnë për mbi 100 raste.<br /> <br />Festimet e shfrenuara për një pjesë të njerëzve kanë pasur edhe anën e tyre negative. Mjekët e urgjencës në QSUT thonë jashtë kamerave se, në orët e para të mëngjesit të datës 1 janar 2014, numri i të intoksikuarve nga alkooli ishte mjaft i lartë duke i kaluar mbi 100 raste dhe fluksi ra vetëm gjatë paradites.<br /><br />Sipas bluzave te bardha pacientët pasi i janë nënshtruar trajtimit e kanë kaluar rrezikun dhe disa prej tyre kanë lënë tashmë spitalin.<br /><br />Edhe në Shkodër, siç informon korrespondenti i "A1 Report", Elvis Nabolli, "nata e ndërrimit të viteve ka bërë që rreth 18 persona të përfundojnë në urgjencen e spitalit rajonal të Shkodrës nga abuzimi me alkoolin".<br /><br />Edhe mungesa e medikamenteve ka qenë një problem i madh për urgjencën e spitalit rajonal, pasi sipas shefit të shërbimeve të urgjencës Astrit Lahi, mbyllja e farmacive përreth spitalit ka shkaktuar jo pak probleme në gjetjen e medikamenteve.
