TIRANE - "A1 Report" sjell një tjetër video nga grabitja më 24 dhjetor në qendrën tregtare "TEG", ku katër babagjyshë të maskuar arritën të grabisnin afro 400 mijë euro në një argjendari.<br /> <br />Dhe pse nga policia pati pak të dhëna mbi grabitjen, në vidion e sjellë nga "A1 Report" duket qartë se në rrezik kanë qenë jo vetëm qytetarët që ndodheshin aty në ato momente, por dhe një fëmijë i cili është nxjerrë nga një prej grabitësve jashtë argjendarisë.<br /> <br />Video tregon se si qytetarët vazhdojnë ritualin e tyre në qendrën tregtare pa e kuptuar se çfarë po ndodhte, ndërsa prania e punonjëve të sigurisë së brendhsme të "TEG" nuk i ka trembuar aspak grabitësit.<br /><br />Po kështu, në pamje duket momenti kur punonjësi i sigurisë i kërkon qytetarëve të largohen, por nuk ka asnjë veprim tjetër ku të pengohen grabitësit, të ndizet alarmi apo dhe të bllokohen hyrje-daljet e qendrës tregtare.<br /> <br />Ngjarja është ende pa autor dhe nën hetim, ndërsa nga të dhënat paraprake të grupit hetimor ka dyshime të arsyeshme se grabitësit i përkasin një rrjeti të mirëorganizuar i cili funksionon me shqiptarë dhe kosovarë, të cilët dyshohet se janë autorë të një sërë grabitjesh masive dhe në qytete të tjera europiane.
