TIRANE- E ndërsa grabitja e argjendarisë në "TEG" është ende nën hetim dhe pa asnjë autor, për herë të parë mbi ngjarjen ka folur dhe ministri i Brendshëm Saimir Tahiri. Ministri i Brendshëm tha se çështja është ende nën hetim dhe ndaj nuk mund të jepen shumë detaje lidhur me të. Ndërsa theksoi se është i nevojshëm bashkëpunimi intensiv me publikun.<br /> <br />"Çështja e grabitjes me armë në një qendër tregtare po ndiqet intensivisht, hetimet vijojnë. Si vepër penale dhe si çështje, hyn te grupi i çështjeve që kërkojnë vëmendje të theksuar hetimore. Kërkohet bashkëpunim intensiv nga publiku. Nuk mund të jepen detaje për shkak të zhvillimit hetimor. Në raste të tilla dështon një zinxhir i tërë duke filluar me kapacitetin e publikut apo segmentet e veçanta për të bashkëpunuar me Policinë e Shtetit, me kapacitetin e shoqërive të ruajtjes fizike, dhe pastaj një sërë pasojash, që vijnë për shkak të delikatesës dhe natyrës së veçantë që kanë këto çështje", tha ministri Tahiri.<br /> <br />"A1 Report" ka sjellë një ditë më parë videon ekskluzive ku duket qartë indiferenca e punonjësit të sigurisë private të "TEG" gjatë momentit të grabitjes nga 4 babagjyshët, si dhe vënia në rrezik e jetës së një fëmije.<br /> <br />Ndërkaq burime nga grupi hetimor bëjnë me dije për "A1 Report" se për të zbardhur autorët e gabitjes dhe dinamikën e ngjarjes, është duke u punuar mbi disa prova të vlefshme materiael të mbledhura nga grupi hetimor, si dhe me shkëmbim informacioni me policitë homologe të Greqisë dhe Italisë.<br /> <br />Po të njëjtat burime bënë me dije, se aktualisht po ekzaminohen pamjet filmike të regjistruara nga kamerat e sigurisë në qendrën tregtare, si dhe disa pamje filmike të mbërritura nga policia greke, pasi po e njëjta skemë grabitje është përdorur dhe në një argjendari në zonën e Pireut të Greqisë pak kohë më parë.
