POGRADEC- Një sasi eksplozivi është vendosur në banesën e kreut të PD-së në Pogradec Luan Lipo. Shpërthimi ka ndodhur pas mesnatës së të dielës, (5 janar 2014)<br /><br />Sipas të dhënave të para të policisë sasia e eksplozivit është vendosur tek dera e jashtme e banesës dy katëshe, (shtëpi private) në lagjen nr 5 tek Valuta.<br /><br /> Nga shpërthimi ka vetëm dëme materiale, nuk ka të lënduar. Ndërkohë që në momentin e shpërthimit familja e Lipos ka qenë në gjumë.<br /><br />Dy fëmijët, gruaja dhe e ëma, e cila jeton me kreun e PD-së së Pogradecit janë tronditur nga shpërthimi, por fatmirësisht nuk janë lënduar pasi po flinin në katin e dytë të banesës.<br /><br />Policia ka shoqëruar 20 persona, 7 prej tyre si të dyshuar. Gjatë natës policia ka marrë në pyetje Lipon.<br /><br />Ky i fundit i ka thënë gazetares së A1 Report Lediona Xheladinaj se ngjarja ka qëllime politike pasi ai nuk ka konflikt me njeri. <br /><br />"Nuk kam konflikte me njeri, policia të zbardhë ngjarjen. Ngjarja ka ndodhur për qëllime politike"- ka thënë Lipo.
