TIRANE- Artan Leka, kryetari i Këshillit të Komunës të Krrabës, ende nuk është kthyer nga Maqedonia, ku ka shkuar për pushimet e Vitit të Ri. Të paktën kështu na thanë në komunën e Krrabës, ku "A1 Report" shkoi ta takonte, pas kallëzimit që i ka bërë Shërbimi Social Shteteror për abuzime me skemën e ndihmës ekonomike.<br /> <br />Pas lajmit se 193 familje të komunës së Krrabës janë përjashtuar nga skema e ndihmës ekonomike, pasi e kanë përfituar atë padrejtësisht "A1 Report" shkoi të shikonte nga afër situatën.<br /> <br />Banorët e komunës së Krrabës, nuk pranojnë të flasin për abuzimet e Këshillit të Komunës me skemën e ndihmës ekonomike.<br /> <br />Ata i largohen kamerës me pretendimin se kanë frikë se mos edhe atyre u hiqet ndihma ekonomike. Sipas banorëve të kësaj komune, do të ishte mirë që të gjithë të merrnin ndihmë ekonomike, pasi, sipas tyre ata jetojnë në kushte të vështira.<br /> <br />Ndërkohë që më datë 30 dhjetor dega e thesarit ka lëvruar një fond prej 1.5 milionë lekësh të reja për llogari të komunës së Krrabës, për familjet që marrin ndihmë ekonomike.
