TIRANË - Gjykata e Apelit në Tiranë ka vendosur masën e sigurisë "arrest shtëpie", për gjykatësin e Pukës, Shtjefën Lleshi, ish-kryetar i gjykatës së këtij rrethi. Pas vendimit, Lleshi ka deklaruar se nuk do të largohet për t'iu shmangur hetimit.<br /> <br />Vendimi është marrë gjatë ditës së sotme nga gjyqtarja Zeqine Sollaku, e cila vendimin e saj e ka argumentuar me faktin se, Lleshi nuk përbën rrezik shoqëror dhe për këtë arsye nuk ka pse të qëndrojë në qeli.<br /> <br />Kërkesa për lënien në "arrest shtëpie" për Lleshin ishte bërë nga avokati i të pandehurit, Ardian Visha.<br /> <br />Por gjatë seancës prokurori Shkëlqim Kokona, ka kërkuar që Gjykata e Apelit të linte në fuqi masën e dhënë nga Gjykata e Shkallës së parë në Tiranë.<br /> <br />Pas dhënies së masës së sigurisë, ka folur edhe vetë gjyqtari Shtjefën Lleshi i cili ka deklaruar se, nuk do të largohet nga Shqipëria për t'iu shmangur hetimit dhe gjykimit. Në datën 27 dhjetor 2013, Gjykata e Apelit ka dhënë vendime për të arrestuarit e tjerë të skandalit të Pukës, duke lënë në burg 3 prej 6 të arrestuarve të skandalit të Pukës, mes tyre 1 prokuror, dy avokatë, kancelaren dhe sekretaren e Gjykatës së Pukës dhe një sekser.<br /> <br />Gjykatësja Zeqine Sollaku ka lënë në fuqi masën e sigurisë arrest me burg për Meliha Kukaj, ish-kancelare, Liljana Shkjau, ish-sekretare e Gjykatës së Pukës, Fariz Xhurxhi me funksion avokat ku këta persona u arrestuan pas skandalit të denoncuar në emisionin "Fiks fare".<br /> <br />Kukaj, Shkjau dhe Furrxhi u arrestuan mëngjesin e 8 dhjetorit, disa ditë pas skandalit të denoncuar në emisionin fiks fare, teksa merrnin rryshfet në këmbim të lirimit të disa disa të arrestuarve gjatë protestave për një kompani minerare në Kukës.<br /> <br />Ndaj të arrestuarve janë ngritur disa akuza, ndërsa këta të fundit nuk i pranojnë asnjë akuzë dhe deklarojnë se janë të pafajshëm.
