TIRANË - 10 vjet nga tragjedia e 9 janarit ku humbën jetën 21 persona, ndërsa 8 ende rezultojnë të zhdukur Shqiptarja.com sjell foto ekskluzive të asaj tragjedie. <br /><br />Mbrëmjen e 9 janarit 2004 në bordin e gomones së nisur nga porti i Vlorës drejt Italisë, ishin vendosur 36 refugjatë shqiptarë, mes tyre gra dhe fëmijë. Cdo emigrant pagoi 1500 euro për udhëtimin.<br /> <br />Por për shkak të motit të keq dhe dallgëve të mëdha, gomonia u mbyt duke gjetur vdekjen 21 persona nga 36 që ishin në gomone. Viktimat ishin kryesisht nga Shkodra e Lezha.<br /> <br />Lundruesit kërkuan ndihmë drejtpërdrejt në një television por ndihma nbërriti me vonesë. <br /><br />Fotot u siguruan nga gazetari Gëzim Kabashi dhe janë bërë në Sazan dhe në Vlorë.<br /> <br />Në 10 vjetorin e tragjedisë së Karaburinit, shoqata "9 Janari" vazhdon të këmbëngulë që të rihapet dosja për gjetjen e 8 trupave të humbur. <br /><br />Madje familjarët e viktimave kërkojnë që hetimet t'i marrë në dorë Prokuroria e Krimeve të Rënda, dhe kanë shpresë se me ardhjen në qeveri të kryeministrit Rama çështja do të rihetohet.<br />Familjarët e viktimave kane siguruar një deklaratë të Shefit të Krimeve të asaj kohe, Sokol Bizhga, në të cilën citohet se në orën 6 e 30 të mëngjesit të datës 10 janar 2004, në gjirin e Dafinës është gjetur nga një anije shqiptare një gomone me 8 trupa të pajetë në bord. Po sipas kësaj deklarate, gomonia e gjetur është rimorkuar nga anija shqiptare dhe destinacioni i saj akoma nuk dihet. Ata këmbëngulin se kjo dëshmi tregon se në tragjedinë e 9 janarit kanë qenë së paku 2 gomone me njerëz dhe jo një siç deklarohet nga organet e drejtësisë.
