KANADA - Shënohet viktima e parë në Kanada me virusin e gripit të shpendëve, H5N1 dhe kjo gjë konfrimohet nga ministrja e Shëndetësisë Kanadeze, Rona Ambrose. <br /><br />Viktima e parë e këtij gripi, është verifikuar në Alberta, në perëndim të Kanadasë më 3 janar dhe siptomat e para kishin nisur më 27 dhejtor, në bordin e një avioni nga Kina në Kanada. <br /><br />Bëhet fjalë për rastin e parë në qarkullim nga Kina dhe për këtë arsye, autoritetet kineze po bëjnë edhe verifikimet e mundshme edhe pse nuk janë bërë të ditur, identiteti dhe seksi i viktimës. Gjithashtu, nuk është i qartë fakti se si mund të jetë infektuar personi në fjalë.<br /><br />Një nga mjekët që ka sqaruar dinamikat e rastit, Gregory Taylor, tha se viktima nuk kishte vizituar ndonjë fermë, apo merkato shpendësh, duke nënvizuar faktin që kishte vizituar vetëm Pekinin dhe asnjë qytet tjetër të Kinës. <br /><br />Sipas Organizatës Botërore të Shëndetëssisë, në mes të dhjetorit të vitit të kaluar, janë verifikuar 648 raste në njerëz, me gripin e pulave H5N1, të cilët janë konfimuar në laborator. Pjesa më e madhe e personave të infektuar, kanë qenë në Asi dhe 384 prej tyre, kanë provokuar edhe vdekjen e personave të prekur nga ky infeksion.<br /><br />Ministrja e Shëndetësisë kanadeze, siguron se ajo që ndodhi në Alberta, është një rast i izoluar dhe se rreziku për qytetarët e tjerë, është shumë i ulët. Sipas mjekëve vendas, bëhet fjalë për një sëmundje jo të transmetueshme nga njeriu tek njeriu, por vetëm nëse jemi në kontakt me zona ku ka pasur shpendë të infektuar.
