SHKODËR - "Krijimi i partneritetit efikas në mes Policisë dhe Komunitetit Rom dhe Egjiptjan" ka qënë tema e takimit të zhvilluar në drejtorinë e policisë së Qarkut Shkodër ku i pranishëm ka qenë edhe drejtori i policisë së këtij qarku Shaban Nexhi. Në fjalën e tij përpara të pranishmëve Nexhi i ka bërë thirrje të rinjve të këtyre komuniteteve që të arsimohen e më pas të bëhën pjesë e strukturave të policisë në mënyrë që të jenë sa më pranë nevojave që kanë romët dhe egjiptianët.<br /><br />"Nga kjo shtresë, e cila komuniteti i romëve dhe egjiptianëve në qytetin e Shkodrës të shkojnë në shkollë dhe sapo të mbarojnë arsimin e mesëm e të detyrueshëm, të vijnë dhe të konkurrojnë si të gjithë shtetasit e tjerë për të punuar në rradhët tona. <br /><br />Kështu që, jeni të ftuar në mënyrën më të pastër dhe më të thjeshtë të vini pjesë e shërbimeve tona pastaj edhe juve të punoni më mirë për komunitetin tuaj", tha drejtori i Policisë së Shkodrës, Shaban Nexhi.<br /><br />Ky aktivitet ka ardhur në kuadër të policimit në komunitet. Në këtë takim, të pranishëm kanë qenë edhe përfaqësues të komuniteteve rom dhe egjiptian si dhe forcat e policisë.
