TIRANE- Deputetët e Partisë Demokratike kanë vizituar sërish Xhelal Mziun në ambientet e qelisë së burgut 302.<br /><br />Kryetari i Bashkisë së Kamzës ndodhet i arrestuar prej datës 20 dhjetor 23013 për akuzat e "shpërdorimit të detyrës" dhe "shkelje të barazisë në tendera".<br /><br />Deputetët që zhvilluan takim me Mziun kanë qenë Arben Ristani, Flamur Noka dhe Aldo Bumçi të cilët pas takimit kanë dhënë dhe një deklaratë për shtyp.<br /><br />"Ne jemi këtu për të disatën herë. I gjithë procesi i arrestimit të Xhelal Mziut është vetëm një inskenim politik. Duke nisur që nga prerja e fletës së arrestimit, ndërkohë që i zgjedhuri vendosur ndodhej një zyrën e tij të punës, duke u shërbyer qytetarëve. Kjo qeveri po luan me dy standarde. Në një rast një i zgjedhur vendor arrestohet si bandit, ndërsa në anën tjetër një i zgjedhur vendor publikon një foto me kryeministrin, duke kërkuar mbrojtje prej tij. Kjo qeveri po luan me zjarrin dhe kush luan me zjarrin digjet."- tha Noka.<br /> <br />Edhe para vitit të ri një grup deputetësh vizituan Mziun në qelitë e burgut, ndërkohë që ky i fundit ka apeluar vendimin e Gjykatës së Tiranës për masën e arrestit burg ndaj tij.
