Qeveria paralajmëroi mbi 400 punësime të reja në administratën shtetërore për vitin 2014. Zëdhënësi i Qeverisë Muhamet Hoxha, deklaroi se punësimet e reja parashikohet të përmirësojnë përfaqësimin e drejtë dhe adekuat të shqiptarëve dhe bashkësive të tjera etnike pakicë nëpër institucionet shtetërore. Punësimet e reja do të destinohen nëpër institucionet ku përfaqësimi i shqiptarëve akoma është i vogël. <br /><br /> "Programi për përfaqësim të drejtë dhe adekuat që është miratuar nga Qeveria dhe përgatitur nga Sekretariati për Implementimin e Marrëveshjes së Ohrit për vitin 2014 planifikon punësimin e mbi 400 nëpunësve të ri shtetëror të cilët do të jenë shqiptarë dhe të bashkësive të tjera etnike...Ky program është një bazë e mirë të cilën e përgatit Sekretariati që ka për qëllim rritjen e përfaqësimit të drejtë dhe adekuat në të gjitha institucionet ku përfaqësimi i drejtë pra numri i shqiptarëve të punësuar dhe bashkësive të tjera është më i vogël", deklaroi Muhamet Hoxha, zëdhënës i Qeverisë.<br /><br />Nga ana tjetër ndonëse nuk zbardhi se deri ku ka mbërritur procesi i sistematizimit të administratorëve të cilët janë pranuar gjatë konkurseve të mëhershme. Nga qeveria thonë se ky proces së shpejti do të rrumbullakohet. <br /><br /> "Pas shpalljeve publike të cilët bëhen nga Sekretariati për Implementimin e M.O-së dhe pranimit të nëpunësve shtetërore menjëherë fillon procedura e sistematizimit të tyre. Pasi të pranohen emrat konkret në nëpunësve shtetëror në seancë të Qeverisë kalon dhe procedura e sistematizimit të tyre nëpër institucionet ku përfaqësimi është më i vogël", tha Muhamet Hoxha, zëdhënës i Qeverisë.<br /><br />Sipas raportit të Avokatit të Popullit një numër i madh Institucionesh nuk përmbushin obligimin kushtetues për përfaqësimin e drejtë të bashkësive etnike në Maqedoni. Ndër to, gjendja më e keqe rezulton në Gjykatat dhe Prokuroritë Publike, Ministrinë e Punëve të Jashtme dhe të Brendshme, Ministrinë e Financave, Ministrinë e Shoqërisë Informatike si dhe në Agjencitë e ndryshme shtetërore, disa prej të cilave madje nuk numërojnë asnjë shqiptar të punësuar. Situata e ngjashme është edhe në burgjet dhe ndërmarrjet publike. Ndërkohë, sipas raportit të fundit të Avokatit të Popullit, në nivel shtetëror përfaqësimi i shqiptarëve arrin në 17.8 %. Semra Jakupi
