TIRANE- Një person i pajetë është gjendur orët e parë të mëngjesit në shtratin e lumit Lanë, në bulevardin Zhan D'ark pranë rrugës së Elbasanit në Tiranë.<br /><br />Ngjarja është raportuar nga qytetarët duke telefonuar policinë, ndërsa nga hetimet paraprake rezulton se personi mund të jetë rrëzuar aksidentalisht.<br /><br />Sipas policisë personi është i moshës rreth 45 vjeç. Trupi është dërguar në Institutin e Mjekësisë Ligjore ku do të bëhet dhe ekspertiza për të përcaktuar shkaqet e vdekjes.<br /><br />Blutë thanë se nuk shmanget as pista e hetimit për një ngjarje të qëllimshme, por po punohet pasi paraprakisht trupi i viktimës nuk ka shenja dhune apo shenjë plagësh me armë zjarri.<br /> <br />Policia ka gjetur kartën e identitetit të viktimës, por nuk bën të ditur emrin e tij.
