EGJIPT- Ka filluar në orët e para të ditës së mërkurë, dita e dytë e votimeve të referendumit për kushtetutën e re në Egjipt.<br /> <br />Forca të shumta policie ishin mbledhur në qendrat e votimeve në të gjithë vendin pas përleshjeve të ditë së martë mes mbështetësve të Vëllazërisë Myslimane dhe policisë, ku mbetën të vdekur 9 persona.<br /> <br />Dy bomba shpërthyen gjatë procesit të votimeve, në Cairo de Mahalla, por nuk pati raportime për të vdekur apo të plagosur.<br /> <br />Nëse ky referendum do të miratohet, atëherë në Egjipt do të ketë zgjedhje presidenciale, ku mes kandidatëve besohet se do të jetë dhe gjenerali i ushtrisë, Abdel Fattah al-Sisi, njeriu që largoi nga pushteti, ish-presidentin Morsi.<br /> <br />Forcat e sigurisë egjiptiane kanë vrarë më shumë se 1 mijë mbështetës të ish-presidentit Morsi, që kur ky i fundit u largua me forcë nga pushteti.
