TIRANË - Ka rezultuar fals alarmi për bombë në shkollën e mesme profesionale Ekonomike në Tiranë. Alarmi është dhënë rreth orës 15:00 nga një telefonatë anonime në numrin 129 të Policisë së Tiranës.<br /><br />Me të marrë këtë telefonatë në drejtim të shkollës profesionale që ndodhet përballë sallës së Parlamentit, kanë shkuar forca të shumta policie.<br /><br />Uniformat blu bashkë me njësitë antieksplozivë kanë nisur kontrollet në ambientet e shkollës, që u evakuuan nga nxënësit. Pas kontrolleve policia ka arritur në përfundimin se alarmi ishte fals.<br /><br />Ndërkaq, për disa minuta është bllokuar edhe lëvizja e mjeteve në rrugën "Xhorxh W. Bush".<br /><br />Policia ka nisur hetimet për të zbuluar autorin e këtij alarmi si dhe shkaqet pse është bërë telefonata.
