Zv/kryeministri për çështje evropiane Fatmir Besimi deklaroi se Maqedonia do të ketë ambasada të përbashkëta edhe me Shqipërinë dhe Kosovën, nëse ky model bashkëpunimi ndër-diplomatik mirëpritet nga të gjitha vendet e rajonit. Në emisionin 'Rubikon' të televizionit kosovar, KTV, Besimi mohoi që Maqedonia të ketë arritur tashmë marrëveshje me Serbinë, pasi siç tha, kjo nuk është njoftuar zyrtarisht nga Ministria e Jashtme. Besimi theksoi se bashkëpunimi i tillë parashikon shfrytëzim të objekteve të njëjta dhe jo diplomaci të përbashkët. <br /><br /> "Nuk mund të mendohet që Maqedonia të ketë ambasada apo zyra të përbashkëta me Serbinë dhe Bullgarinë dhe mos të ketë me Shqipërinë dhe Kosovën, është e pamundur...Mund të bëhet para me Kosovën dhe Shqipërinë dhe nëse kushtet përcaktojnë me Bullgarinë ose Serbinë nëse shkohet si qasje e përbashkët rajonale", deklaroi Famtir Besimi, zv/kryeministër për çështje evropiane.<br /><br />Nisma rreth ambasadave të përbashkëta të vendeve të Ballkanit, e cila nxiti debate të nxehta të opinion, u paralajmërua nga Ministri i Jashtëm serb Ivan Mërkiq. Ai the se Beogradi është afër arritjes së marrëveshjes së tillë me Shkupin dhe Podgoricën. Këtë nismë e konfirmoi edhe kryeministri Gruevski, i cili tha se prapavija e përfaqësive të përbashkëta diplomatike është financiare dhe assesi politike. Semra Jakupi
