Dy persona njëri prej tyre Astrit Gjepali, i cili po kryente dënimin me 25 vjet burg për vrasje, janë ekzektuar në një atentat pranë Rrogozhinës. Viktima e dytë është kunati i Gjepalit, Halit Fici, biznesmen i njohur në Durrës, për të cilin në vitin 2009 policia italiane ngriti akuza për trafik droge.<br /><br />Astrit Gjepali dhe Halit Fici janë ekzektuar në një atentat pranë Rrogozhinës. Vrasja ka ndodhur rreth orës 13:00 të mesditës së sotme.<br /><br />Drejtoria e Përgjithshme e Burgjeve bën të ditur se i burgosuri Astrit Gjepali ka qenë duke u kthyer në burgun e Peqinit pasi ishte larguar me leje të posaçme më 9 janar dhe do të kthehej sot në mesditë. Viktima e dytë është Halit Fici, i cili është kunati i Gjepalit dhe po shoqëronte me makinë drejt qelive të burgut.<br /><br />Në atentat kanë mbetur të plagosur dhe 2 persona të tjerë, Astrit Gjipalit dhe dhe Mariglen Balliu.<br /><br />Astrit Gjepali ishte kapo i bandës së njohur "banda e Gjepalit" që ka vepruar në 1997 dhe është ekstraduar nga Italia në 2006. Ishte dënuar me 25 vjet burg.<br /> <br />Vrasja ka ndodhur në vendin e njohur si Bishti i Zhurit, në hyrje të Rrogozhinës, rreth 40 km larg qytetit të Durrësit.
