Anija me armë kimike nga Porti i Latakias në Siri do të mbërrijë në Gioia Tauro, në rajonin e Kalabrisë në Itali. Lajmi është konfirmuar nga ministri italian i Infrastrukturës dhe i Transporteve, Maurizio Lupi. <br /><br />Porti italian do të shërbejë si vend tranzit ku do të bëhet dhe transportimi i armëve kimike siriane, nga anija daneze, apo norvegjeze, në anijen amerikane Cape Ray, ku do të bëhet më pas edhe shkatërrimi i tyre. <br /><br />Është zgjedhur ky port në Kalabri pasi konsiderohet si një nga zonat më të sigurta dhe më e thjeshtë për ta pasur situatën nën kontroll, në rast protestash apo manifestimesh. <br /><br />Lajmi është konfrimuar gjatë audicionit të Komisionit të Jashtëm dhe të Mbrojtjes, nga ministrja e jashtme Emma Bonino, ministri i Infrastrukturës dhe Transporteve Maurizio Lupi dhe drejtorit të përgjithshëm, i Organizatës për Shkatërrimin e armëve kimike ONAK, Ahmet Uzumcu, i cili ishte i paranishëm për të shpjeguar fazat e operacionit të shkatërrimit të armëve kimike. <br /><br />Bonino ka shpjeguar se Italia është pjesë e këtij operacioni ndërkombëtar, duke u bërë kështu hapi i parë për të pasur një Lindje të Mesve, pa armë kimike. <br /><br />Ajo ka nënvizuar gjithashtu, se Italia, përveçse ka vënë në dispozicion një port të saj, ka ofruar edhe një kontribut financiar, për operacionin e shkatërrimit të këtyre armëve, në kuadër të marrëveshjes ndërkombëtare. <br /><br />Ministri Lupi nga ana e tij, ka shpjeguar se transportimi i 60 kontenierëve, do të bëhet nga anija në anije, pa prekur tokën italiane dhe operacioni do të kryhet në siguri të plotë.
