TIRANE- Në tryezën me përfaqësues të biznesit kryeministri Rama deklaron se është një situatë e papranueshme monopoli i pullave fiskale dhe se shumë shpejt do të çohet në Kuvend nismën për heqjen e të gjitha gjobave nga 1 marsi i 2013, pasi ishin gjoba arbitrate.<br /><br />Në tryezën e cila ka nisur prej orës 11: 20 dhe vazhdon përballë biznesit Rama u shpreh se me monopolin e pullave fiskale kemi të bëjmë me një problem shumë të madh që rëndon edhe biznesin edhe buxhetin e shtetit dhe nuk sjell asnjë përmirësim.<br /><br />Rama foli dhe për një studim që ministrisë e Ekonomisë po e bën dhe më pas do të çohet në Kuvend për të shpëtuar biznesin dhe lehtësuar buxhetin.<br /><br />Rama shpjegoi se qeveria nuk mund të merrte masa lehtësuese për fasonët jashtë marrëveshjes së FMN dhe se në pranverë do të dilet me një paketë të posaçme për fasonët.<br /><br />Ai deklaroi se është ngritur sekretariati i Këshillit Ekonomik Kombëtar, i cili do të marrë e trajtojë të gjitha problemet, ankesat dhe kërkesat e biznesit.
