SPECIALE e A1 REPORT/Rreth 2 muaj më parë siguria e lartë e burgut të Drenovës në Korçë u thye. Të paktën aq sa për t'u arratisur 7 të dënuar për krimin e vrasjes. Kamera e "A1 Report" ka mundur të futet në ambjentet e brendshme të Burgut të Drenovës dhe për herë të parë sjell pamje të intinerarit të arratisjes.<br /><br />Plani i arratisjes ka qenë i mirëorganizuar, dhe personat që mbështetnin nga jashtë kanë qëlluar nga dy gryka zjarri me armë të rënda automatike për të krijuar panik dhe për të penguar reagimin e policisë së burgut.<br /><br />Janë 21 oficerët dhe punonjësit e burgut të Drenovës, të cilët u arrestuan pasi u konstatuan me shkelje në shërbim duke krijuar lehtësira në arratisjen.<br /><br />Ndërsa të mërkurën iu komunikuan pushimi nga puna, 11 gardianëve të tjerë, për shkeljet në rastin e 4 sharrave që u gjetën në qelitë e të dënuarve të burgut.<br /><br />Autoritet e burgut mësohet se kanë ushtruar kontrolle thuajse çdo ditë për sendet e ndaluara në qelitë e të dënuarve.<br /><br />Procedurat e kontrollit të sendeve dhe ushqimeve që vijnë nga familjarët janë po aq strikte sa edhe kontrollet e punonjësve që marrin detyrën brenda regjimit të brendshëm.<br /><br />Kontrolli nis që tek porta e parë e postbllokut, ku familjarët porositen të vendosin sendet personale dhe të ndaluara në sirtarët kasaforta, të cilat mbyllen me çelës dhe çelësi merret me vete.<br /><br />Ushqimet dhe materialet e lejuara për të hyrë brenda burgut kontrollohen nga punonjësit, dhe më pas ata drejtohen për nga zyra e informacionit, ku ushtrohen kontrolle me detektorë.<br /><br /> <br />Familjarët dorëzojnë edhe çelësat e sirtarëve, ndërsa u nënshtrohen edhe kontrollit fizik para se të hyjnë në tunelin që lidh dy regjimet, të jashtmin dhe të brendshmin.<br /><br />Mjaft procedura konsiderohen sekrete për t'u filmuar nga kamerat tona, por vetë familjarët janë të ndërgjegjshëm për to.<br /><br />Por Burgu i Drenovës nuk funksion vetëm si vend për vuajtjen e dënimit. Janë të shumta aktivitetet por edhe aktivizimet e të dënuarve, në mënyrë që qëndrimi i tyre të bëhet i lehtë dhe trajtimi sipas të gjitha ligjeve dhe koncepteve perëndimore.
