TIRANË - Bie në pranga anëtari i Albanian Hacker Group, që akuzohet për dhjetëra sulme kibernetike në Shqipëri, Greqi e Serbi. Policia e kryeqytetit ka bërë të ditur se sot, ka vënë në pranga Florjan Hoxhajn, 18 vjeç, për të cilin gjykata e kishte vendosur masën e "arrestit me burg" në mungesë.<br /> <br />18-vjeçari Hoxhaj, sipas hetimeve të kryera ka rezultuar se është anëtari i 4-të i Albanin Hacker Group, nën pseudonimin Neteorm. Tre pjestarët e tjerë të hackerave janë arrestuar më 4 tetor të vitit të shkuar nga policia, ndërsa arrestimi i Hoxhajt është bërë mbrëmjen e djeshme.<br /> <br />Gjatë ecurisë së hetimit, dyshohet se anëtaret e grupit "Albania Hacker Group" kanë kryer "sulmin" kibernetik të një numri të konsiderueshëm të faqeve të ministrive, shkollave, portaleve apo web të tjera të shtetit serb dhe grek.<br /> <br />Dyshohet se, pas sigurimit të kartave të kreditit, dhe marrjes së të dhënave, përvetësonin duke ndërhyrë në serverat e subjekteve tregtare që kryejnë shërbimin e blerjes nëpërmjet internetit.<br /> <br />Po ashtu dyshohet, se anëtar të këtij grupi, kanë bërë edhe sulmin e serverave të disa grupeve mediatike. "Aktualisht, strukturat për Krimet Kimbernetike të Policisë së Tiranës, në bashkëpunim me Prokurorinë e Rrethit Gjyqësor Tiranë po vazhdon puna për dokumentimin e plotë të veprimtarisë kriminale të anëtareve të tjerë të këtij grupi kriminal", thuhet në njoftimin e Policisë së Tiranës.
