TIRANE- Mungesa e ujit të pijshëm në zonën e Yzberishtit në komunën e Kasharit vazhdon që prej muajit korrik.<br /> <br />Sipas banorëve të kësaj zone uji vjen vetëm 30 minuta në ditë. Ata që nuk mund të mbushin ujë për 30 minuta duhet të presin ditën tjetër, e atë ditë zgjidhja e vetme është ta blejnë ujin.<br /> <br />Banorët e kësaj zone shprehen tepër të shqetësuar.<br /> <br />Edhe pse qytetarë të rregullt në pagesat e ujit me librezat e tyre duke e paguar atë çdo muaj ata duhet të përballen ndaj mungesës së ujit, i cili ka 6 muaj që vjen me probleme.<br /> <br />Edhe pse është dimër përgjigjja ndaj ankesave të banorëve, lidhet me mungesën e rreshjeve.<br /> <br />Problemi i ujit të pijshëm në këtë zonë ka bërë që shpesh banorët të ankohen por duket sikur zëri i tyre nuk është dëgjuar.
