Ministrat e Ekologjisë Abdilaqim Ademi dhe ai i Ekonomisë Valon Saraçini, përgjegjës për projektin "Fushë-Llukova" thonë se me deklaratën e kryeministri shqiptar Edi Rama, është treguar realiteti. Është bërë zhurmë, për asgjë. Si për Ademin ashtu edhe dhe Saraçinin, nuk ka një projekt me emrin "Fushë-Llukova". Megjithatë, për shefin e dy ministrave tanë, kryeministrin Gruevski, ndërtimi i rezervuarit është realitet.<br /><br />"Në vitin 2014, ndër të tjera, filluam ndërtimin e Hidrocentralit "Ura e Boshkut dhe Fushë-Llukova", tha kohë më parë Nikola Gruevski, kryeministër.<br /><br />Sipas Ademit, deklarata e tij se ministrat shqiptarë do të ndalojnë ndërtimin e një projekti të tillë, nuk do të sjellë probleme në koalicionin qeverisës.<br /><br />"Jo, sepse ne nuk nisemi nga pozicionet politike, ose pozicionet etnike, por gjithmonë nisemi nga argumentet të cilat do të duhet të mbizotërojnë kur merret një vendim i tillë", u shpreh Abdilaqim Ademi, Ministër i Ekologjisë<br /><br />"Poqëse një element negativ tregon që ky projekt do të bëj dëm për rajonin e Dibrës, për banorët e Dibrës, ky projekt nuk realizohet", tha Valon Saraçini, Ministër i Ekonomisë.<br /><br />Sipas të dhënave të Bankës Botërore, ka njoftime se nëse vendasit janë kundër projektit, atëherë paratë për projektin do të tërhiqen. Në realizimin e projektit duhet të përfshihen Shqipëria, Greqia, Kosova dhe Mali Zi. Një pjesë e ujërave që përfundojnë në pellgun e Adriatikut, do të ridrejtohen në Egje. Goran Temenugov
