LEZHË- Reshjet e dendura të dy ditëve të fundit kanë shkaktuar probleme në qarkun e Shkodrës, në qarkun e Lezhës por dhe në Fushë-Krujë.<br /> <br />Qarku më i prekur është ai i Lezhës, ku Shtabi i Emergjencave raportoi sot paradite për 3500 ha tokë të përmbytur dhe 150 shtëpi. Më pas vjen Shkodra ku në komunën e Bushatit janë rreth 1500 ha tokë bujqësore nën ujë në fshatin Mali i Jushit, ndërkohë që në 7 banesa ka prezencë uji.<br /><br />Në Lezhë lumi Gjadër ka dalë nga shtrati, ndërkohë që edhe lumi Drin rrezikon të dalë nga shtrati në disa zona.<br /><br />Rreth orës 11: 30 në një deklaratë publike, shtabi i emergjencave civile në prefekturë deklaron se janë 3500 ha tokë të përmbytura në të githë qarkun e Lezhës. Po kështu në 150 shtëpi ka prezencë uji. Situata më problematike është në fushën e Zadrimës ku është dhe sipërfaqja më e madhe e përmbytur.<br /><br />PËRMBYTJA NE LEZHË<br /><br />Mësohet se janë përmbytur qindra hektarë tokë në fushën e Zadrimës dhe të Torovicës, ndërsa në zonën e Kakarriqit janë përmbytur disa banesa. Në Gocaj të Lezhës është pezulluar mësimi pasi shkolla është përmbytur në ujë.<br /> <br />Disa zona të tjera janë pa energji elektrike.<br /><br />Korrespondenti ynë Elvis Hila informon se lumi Drin rrezikon të dalë nga shtrati në disa zona, ndërkohë që hidrovorët nuk punojnë pasi mungon energjia elektrike.<br /><br />LEZHË, LUMI GJADËR DEL NGA SHTRATI<br />Në Lezhë mësohet se lumi Gjadër ka dalë nga shtrati duke përmbytur disa banesa në komunën Dajç. Në këtë komunë janë mbyllur disa shkolla nga prezenca e madhe e ujit në ndërtesa. Për shkak të daljes së ujit nga lumi Gjader, është bllokuar edhe rruga që lidh autostradën Lezhë-Shkodër me komunën Dajç, duke izoluar banorët. <br /><br />DOCU: SITUATA NË KOMUNËN DAJÇ, KRITIKE<br />Kreu i komunës Dajç, Gjergj Doci e konsideron situaten kritike. Sipas tij, megjithëse është kërkuar gjithnjë ndërhyrja për thellimin dhe zgjerimin e lumit Gjader, ky problem ende nuk eshte zgjidhur.<br /> <br />"Intensiteti i rreshjeve të shiut dhe rritja e nivelit të lumit Drin me 30 cm mbi pikën maksimale vlerësohen nga Bordi i Kullimit si shkaku kryesor i këtyre përmbytjeve", tha Gjergj Doçi.<br /><br />Ndërsa nga ana e tij, kreu i Bordit të Kullimit, Petrit Gjoni u shpreh se një situatë e tillë nuk ka ndodhur prej shumë vitesh. <br /> <br />"Banorët e prekur nga këto përmbytje po e shohin pas shumë vitesh një situatë të tillë. Sipas banorëve duhet ndërhyrë urgjentisht, gjendja është e vështire", - tha Gjoni. <br /><br />NE KOMUNEN BUSHAT TE SHKODRES 1500 HA NEN UJE<br />Nën ujë ndodhen edhe disa zona në Shkodër, përkatësisht në komunën e Bushatit.<br />Rreth 1500 ha tokë bujqësore është evidentuar nën ujë në fshatin Mali i Jushit, ndërkohë që në 7 banesa ka prezencë uji. Sipas të dhënave që raportohen nga komuna e Bushatit, bëhet me dije se kjo situatë vjen si rezultat i reshjeve të shumta që kanë përfshinë gjithë vendin.<br /><br />Nisur nga situata e krijuar në komunën e Bushatit është ngritur shtabi i emergjencave, me pjesëmarrjen e të gjithë kryepleqve të fshatrave të Komunës me qellim menaxhimin e kësaj situate. Në komunën e Bush...
