Orientimi i gabuar politik nga individët është arsyeja kryesore që përfaqësimi i drejtë dhe adekuat nuk zbatohet në 19 komuna të përziera etnikisht në vend, të cilat ishin përfshirë në hulumtimin e Institutit për zhvillimin e bashkësisë. Sipas rezultateve të këtij hulumtimi,arsye shtesë e mos zbatimit të përfaqësimit në këto komuna është edhe mungesa e kualifikimit adekuat, neutraliteti ndaj partive politike apo edhe mungesa e lidhjeve për tu punësuar.<br /><br />"Përkatësia e gabuar politike, sipas të anketuarve është arsyeja kryesore për mos implementimin e përfaqësimit të drejt dhe adekuat pasi ka numër më të madh të rangimit si një nga arsyet më të rëndësishme", u shpreh Gordana Veliçkovska, Këshilltare për zhvillim dhe hulumtim, BNJVL.<br /><br />Shefi i delegacionit të BE-së në Shkup, Aivo Orav tha se procesi i përfaqësimit të drejt dhe adekuat i bashkësive jo shumicë në vend ende nuk ka përfunduar. Ai tha se komuniteti ndërkombëtarë do të vazhdojë të monitoroj këtë proces.<br /><br />"Ne theksuam se ky proces nuk është implementuar në tërësi në sektorin civil dhe publik. Përpjekje shtesë duhet të bëhen me qëllim sigurimin e së drejtës për bashkësitë jo-shumicë gjatë procesit të vendimmarrjes", u shpreh Aivo Orav, Shef i delegacionit të BE-së, Shkup.<br /><br />Projekti 'Bona Mente', përkatësisht hulumtimi me temë 'Aplikimi i parimit të përfaqësimit të drejtë dhe adekuat-Perceptimi i qytetarëve' u realizua nga Instituti për zhvillim të bashkësisë i ndihmuar nga zyra e BE-së në Shkup dhe BNJVL-ja. Valmir Kuçi
