Në një prej krevateve te spitalit të Pediatrisë në Elbasan, prej 10 ditësh ndodhet i shtruar Enveri djaloshi 4 vjeçar nga fshati Curuj, komuna Funar, e Elbasanit.<br /><br />Prindërit kishin udhëtuar 20 km nga fshati i tyre për ta sjellë në Pediatri duke menduar se mund të ishte një e ftohur e thjeshtë pa ditur se djalit të tyre do i rishfaqen komplekset në zemër për të cilat, kur ishte katër muajsh, i ishte nënshtruar një operacioni delikat në Itali. <br /><br />Me shikimin e tij të zbehtë Enveri lutet ta mbajnë në jetë, ndërsa nëna e tij s'i mban dot lotët dhe zëri i dridhet.<br /><br />"Ju lutem na ndihmoni. Djali ka dhjetë ditë në spital. S'ka as grykë, asgjë. Ka nevojë për operacion", thotë duke qarë më zërin që i dridhet nëna Luljeta Gurakuqi.<br /><br />Atyre u është thënë se djali ka nevojë për një ndërhyrje urgjente në zemër e cila mund të bëhet vetëm në spitalet në Itali, Turqi apo Austri.<br /><br />Mjekja kardiologe e cila ka ndjekur rastin e Enverit, Tamara Mavi thotë se djali ka nevojë për ndërhyrje urgjente në zemër.<br /><br />Edhe babai, Petrit Gurakuqi bën apel për ndihmë.<br /><br />"E kam djalin shumë të sëmurë. Jam në gjendje shumë të vështirë. Mjeket me thone se nuk mund të operohet këtu."<br /><br />Ata kërkojnë ndihmë për mbështetje financiare, pasi thonë se nuk e përballojnë dot. <br /><br />Ata kanë hapur një llogari bankare me shpresën se dikush mund t'i gjendet pranë duke i ndihmuar financiarisht. <br /><br />Numri i llogarisë në bankën "Raiffaissen": "8000181621
