LEZHE - Një qytetar në Lezhë ka gjetur një sasi tritoli në makinën e tij. Sapo e ka parë Dedë Lleshi ka telefonuar në polici duke bërë denoncimin se poshtë sediljes së përparme të makinës ka parë një kuti të mbështjellë me natriban dhe pranë një telefon celular.<br /><br />Ngjarja është njoftuar në 11:30 minuta në lagjen "Skënderbeg" të Lezhës dhe forca të shumta policie shkuan në vendngjarje. Dedë Lleshi u shoqërua në komisariat ndërsa policia rrethoi zonën në pritje të forcave xheniere nga Tirana. <br /><br />Rreth orës 13:30 forcat xheniere nisën verifikimet dhe çaktivizimi i eksplozivit u krye rreth orës 14:30 . Ekspertët xhenierë konfirmuan se lënda eksplozive ishte tritol, ashtu siç dyshonte shoferi në momentin e denoncimit. <br /><br />Dedë Lleshi, punonte si shofer furgoni në linjën Lezhë-Shëngjin. Dhe sot në paradite kishte shkuar të hipte në furgon, i cili ishte parkuar mes pallateve. Drejtuesi i mjetit ishte larguar menjëherë dhe kishte denoncuar në polici.<br /><br /> Dyshimet janë për një sasi rreth 300 gr lëndë shpërrthyese, por pa saktësuar llojin e saj.
