Një drekë bamirësie për blerjen e abetareve në gjuhën shqipe të fëmijëve emigrant në Itali ishte motivi që mblodhi përfaqësuesit e arsimit, ambasadës italiane, medias dhe bizesmenëve të tjerë në restorantin Mrizi i Zanave në Fishtë të Lezhës.<br /><br />Kontributi i tyre në këtë drekë bamirësie do të shkojë në blerjen e abetareve shqipe për shoqatat që mësojnë fëmijët e emigrantëve në Itali.<br />dreke bamiresie<br />Shefi i kuzhinës në një prej restorantëve më të mirë në Romë, Fundim Gjepali ishte një ndër organizatorët që mendoj të ofronte një drekë bamirësie. Ai u shpreh se ky aktivitet shkon për të gjithë fëmijët në Itali për të ruajtur gjuhën shqipe.<br /><br />"Me këto abetare që do të blejmë do të furnizojmë shoqatat jofitimprurëse që me shpenzimet e tyre marrin këto iniciativa të rëndësishme për të mësuar gjuhën shqipe fëmijëve shqiptarë", tha ai.<br /><br />Ismail Ademi nga shoqata "Agora" ishte bashkëautor në idenë e kësaj dreke bamirësie. Duke shprehur mirënjohjen për pjesëmarrësit por edhe për median ai tha që ky aktivitet kishte nota të larta për ndihmën e fëmijëve emigrant në njohjen e gjuhës së tyre.<br /><br />"Do ju mbajmë të përditësuar me çfarë do ndodh me fondet dhe do ju japin llogari deri në abetaren e fundit. Shpresojmë që kjo të bëhet kulturë dhe metodë që ka dhe një mënyrë tjetër për tu marrë me gjërat", vijoj ai.<br /><br />Në një ambjent të ngrohtë me gjithë pjesëmarrësit që kishin ardhur për t`u bërë pjesë në këtë aktivitet bamirësie nuk munguan dhe përfaqësues të arsimit. Sekretari i përgjithshëm i Ministrisë së Arsimit, Klarent Ndreca u shpreh entuziast për këtë aktivitet ç`ka i shkon në ndihmë dhe projektit të ministrisë për të ndihmuar në arsimin e gjuhës shqipe të fëmijëve emigrant.<br /><br />"Ndihmuam dhe inkurajuam këtë aktivitet, por ministria e arsimit ka projektet e saj për të ndihmuar fëmijët emigrant ku ne kemi parashikuar në buxhetin e ministrisë së arsimit fonde përkatëse në botimin e librave".<br />Gatime tradicionale të ardhura dhe të servirura në kohët moderne me shije të veçantë dhe bio përbënin këtë drekë bamirësie.<br /><br />Ndërsa pronari i restorantit "Mrizi i Zanave", Altin Prenga gjithashtu ofroj kontributin e tij në këtë drekë bamirësie duke shprehur rëndësinë e këtij aktiviteti. "Mungesa e abetareve është problematike në Itali sepse ekziton frika që kombi jonë të mos shpërbëhet".<br /><br />E ajo që i shtoj më tepër vlerë kësaj drekë mes personave më të rëndësishëm ishte dhe konsulli i Ambasadës Italiane Mauricio Polselli, ndër përfaqësuesit e mediave Fatos Lubonja e Andi Bushati, por nuk mungonin dhe drejtues atri e kulture si drejtori i Galerisë së Arteve Artan Shabani.<br /><br />Të gjithë u mblodhën me motivin për të kontribuar në këtë drekë bamirësie dhe për të vlerësuar ruajtjen e gjuhës tonë në mënyrë të tillë që ajo të mos harrohet nga fëmijët shqipëtarë jashtë kufinjve të Shqipërisë. (Nga Matilda Zaimi)
