Linja hekurudhore në Qarkun e Elbasanit, që lidh qytetin e Elbasanit me fabrikën e çimentos është grabitur plotëisht.<br /><br />Pesë kilometra shina në Qarkun e Elbasanit janë vjedhur nga persona të ndryshëm, më qëllim tregtimin e tyre për skrap.<br /><br />Vetëm në muajin e fundit, në këtë segment janë vjedhur për skrap, nga persona të papërgjegjshëm rreth 1.5 km shinë hekurudhore.<br /><br />Ndër vite, kjo linjë hekurudhore është përdorur për transportin e mallrave dhe të punonjësve të fabrikës por sot, ky segment është katandisur në gjendje të mjeruar.<br /><br />Biznesi i skrapit vazhdon të mos kursejë as shinat e hekurudhës shqiptare, ku në shumicën e rasteve janë shina, të cilat janë funksionale, ato që vihen në qendër të hajdutëve të hekurit.<br /><br />Në pjesën më të madhe të rasteve ku shinat janë vjedhur për skrap, kanë qenë vetë banorët e zonave përreth, grabitësit e tyre.<br /><br />Situata ka ardhur duke u rënduar gjatë muajve të fundit, ku vjedhjet kanë qenë masive.
