DURRËS - Një shtëpi është dëmtuar nga tërmeti i rënë para pak ditësh në fshatin Kuraten në komunën e Ishmit në rrethin e Durrësit.<br />Banesa i përket shtetasit Sabri Ismaili.<br /><br />Si pasojë e lëkundjeve të herëpashershme, banesa ka pësuar dëmtime në çati.<br />Pjesë të tavanit janë shembur gjatë natës kur familjarët ishin në gjumë. Ata janë ngritur të tronditur nga gjumi dhe kanë dalë menjëherë jashtë.<br /><br />Në vend kanë shkuar menjëherë drejtuesit e komunës së Ishmit, së bashku me specialistët e urbanistikës, të cilët kanë konkluduar se banesa është e pabanueshme dhe komuna po merr masa për t'i strehuar në një objekt komunal.<br /><br />Familja përbëhet nga gjashtë vetë: dy bashkëshortët dhe katër fëmijë, dy prej të cilëve invalidë.<br /><br />Ata kërkojnë ndihmën e shtetit për të bërë rikonstruksionin e shtëpisë. Drejtuesit e komunës së Ishmit thonë se do të japin ndihmën e tyre.
