SHKODËR - Ndërron jetë në spitalin rajonal të Shkodrës 34-vjeçari Florjan Stërkaj, nga fshati Dedaj i Komunës Shkrel të Malësisë së Madhe.<br /><br />I riu u qëllua me armë zjarri nga Pal Prroni, pas një debati të çastit për një borxh të pashlyer, në një lokal në fshatin Omaraj të Komunës Gruemirë, Shkodër.<br /><br />Ngjarja ka ndodhur rreth mesditës së sotme në një lokal në fshatin Omaraj të Komunës Gruemirë kur mes 34-vjeçarit Florjan Stërkaj dhe Pal Prronit, ka pasur një debat të çastit për një borxh të pashlyer.<br /><br />Në këtë moment ata janë konfliktuar dhe për pasojë ka mbetur i plagosur rëndë shtetasi Florjan Stërkaj, i cili është dërguar menjëherënë Spitalin Rajonal të Shkodrës, por ka ndëruar jetë disa orë më vonë.<br /> <br />Menjëherë në vend ngjarje kanë shkuar forcat e policisë të cilat janë vënë në ndjekje të autorit, i cili dyshohet se është shtetasi me emrin Pal Prroni nga fshati Grudë e re të Komunës rrethina.<br /> <br />Policia ka nisur hetimin e kësaj ngjarje e cila dyshohet se ka nisur për shkak të borxheve mes dy të konfliktuarve.
