Kryeministri Nikolla Gruevski mohoi të ketë marrëveshje me BDI-në për zgjedhje të parakohshme parlamentare. Ai madje tha se nuk ka pasur as bisedime me partinë e Ahmetit rreth çështjes së zgjedhjeve të parakohshme. Sidoqoftë, përveç mohimit të marrëveshjes, Gruevski refuzoi të komentojë më gjerësisht rreth kësaj teme.<br /><br />"Jo, ende nuk kemi biseduar për këtë çështje", tha Nikolla Gruevski, kryeministër.<br /><br />Edhe BDI-ja mohoi para pak ditësh çfarëdo lloj bisedimesh me VMRO-në rreth zgjedhjeve të parakohshme parlamentare. Nga partia e Ahmetit thonë se me VMRO-në po negociojnë vetëm rreth zgjedhjeve presidenciale dhe kandidatit konsensual, për të cilin ende nuk kanë marrë asnjë përgjigje nga partia e Gruevskit. Megjithatë Kryesia Qendrore e BDI-së do të vazhdojë shqyrtimin e nevojës për zgjedhjet e parakohshme parlamentare, ndërsa pas analizës do të marrin vendim, sipas tyre, në interes të shtetit dhe qytetarëve.<br /><br />Nga ana tjetër, kryeministri Nikolla Gruevski ka komentuar sot edhe paralajmërimin për rrënimin e përmendores së Car Dushanit dhe 11 përmendoreve të tjera në Urën "Syri", nga ana e kryetarit të Komunës Qendër Andrej Zhernovski. Gruevski e ka quajtur spekulim konkluzionin e Revizionit për paligjshmërinë e përmendoreve.<br /><br />"Janë spekulime. Bëhet fjalë për proces legal, në pajtueshmëri me Ligjin, të cilin e ka sqaruar Ministri i Transportit", deklaroi Nikolla Gruevski, kryeministër.<br /><br />Kryeministri Gruevski ka vazhduar edhe sot premtimet për përmirësimin e infrastrukturës dhe standardit jetësor të qytetarëve. Veprimtaria e tillë e kryeministrit dhe ministrave të tij komentohen si fushatë para fushatës, pasi me ndryshimet e reja të Kodit Penal, ndalohet prerja e shiritave dhe shëtitja me lopata gjatë afatit të parashikuar me ligj për fushatë parazgjedhore. Benjamin Arifi
